Зат мінезді адамдар

        Қарадөң бидің ұрпағы, марқұм Ізбембет баласы Нәжмедден әкеміз тоқсан ауыз сөздің тобықтай түйінін шебер келістіретін жан еді. Сол кісінің аузынан көп еститінмін: біреулердің ұлылығын, үлкен адамгершілігін, кеңшілігін көргенде,  «зат кісі екен» деп қатты риза болып отыратын. Күндердің күнінде  осы сөзді әкешіме бағыштап, сағыныш жолдарын жазармын деп дәл сол кезде ойламаппын.

       Шіркін, қай-қайсымыз да тап сол кісілердің дарқан мінезімен өз балаларымызды тәрбиелей білсек, жер бетінде мейір-шапағат та мол болар ма еді?..

       Жаратушы құдірет менің бір уыс тарыдай несібемді шашып қалғанда, соның бір дәні Сарыағаш өңіріне барып түскен болса керек. Несібемді тере, Алматыдағы институттан кейінгі кафедрадағы жұмысымды тастап осы жерге келгенім  ата-анамның көңілінен шыға ... Читать дальше »